Զննության է ենթարկվել Արթուր Վանեցյանի հեռախոսը
Մենք գրել էինք, որ ԱԱԾ նախկին տնօրենին երեկ հրավիրել են Քննչական կոմիտե՝ հարցաքննության։ ՔԿ մամուլի խոսնակ Նաիրա Հարությունյանը Hraparak.am-ի հետ զրույցում հաստատեց այս տեղեկությունը՝ նշելով․
«Արթուր Վանեցյանը հարցաքննվել է երեկ, երկու գործով, մեկը գաղտնալսման գործն է, որպես վկա է հարցաքննվել։ Այդ քրեական գործի շրջանակներում նաև զննության է ենթարկվել իր բջջային հեռախոսը, մյուս գործը ֆուտբոլի ֆեդերացիայում առերևույթ չարաշահումների առթիվ քննվող քրեական գործն է, էլի որպես վկա է հարցաքննվել»։
Հարցին՝ որևէ բան հայտնաբերվե՞լ է Վանեցյանի հեռախոսի զննությունից, Նաիրա Հարությունյանը զերծ մնաց այլ մանրամասներ հրապարակելուց։ Իսկ նորից կանչելո՞ւ են Արթուր Վանեցյանին հարցաքննության, Հարությունյանն ասաց․ «Եթե նախաքննության մարմինը անհրաժեշտություն գտնի, կհրավիրի»։