Բնակելի շենքում հնարավոր սադրանքների, վարկաբեկման և անձնական կյանքի խաթարման վերաբերյալ հայտարարություն.Ջահանգիրյան

ՀԱՐԳԵԼԻ՛ ԻՐԱՎԱՍՈՒ ՄԱՐՄԻՆՆԵՐ

 

ՀՀ ՆԳՆ ոստիկանություն – Police of the RA Ministry of Internal Affairs

 

ՀՀ գլխավոր դատախազություն

 

ՀՀ Քննչական Կոմիտե

 

ՀՀ Ազգային անվտանգության ծառայություն,

 

Հայտարարություն

Վերաբերյալ՝ բնակելի շենքում վարձակալությամբ գործունեություն իրականացնող անշարժ գույքի գործակալների վարքագծի, հնարավոր սադրիչ գործողությունների, բնակիչների ներգրավման և իմ բնականոն կյանքի խաթարման հանգամանքների վերաբերյալ

 

Ցանկանում եմ մանրամասն ներկայացնել ստեղծված իրավիճակը, որն իմ գնահատմամբ արդեն իսկ էականորեն խաթարում է իմ բնականոն կյանքը, անձնական հանգստությունը և աշխատանքային գործունեությունը։

 

Ստացվում է մի իրավիճակ, երբ իմ բնակության շենքում վարձակալությամբ տարածք զբաղեցրած և անշարժ գույքի գործակալական գործունեություն իրականացնող անձինք, օգտվելով այն հանգամանքից, որ իմ առօրյա զբաղվածության և աշխատանքային գործունեության բերումով շենքի բնակիչների հետ գրեթե որևէ առնչություն չունեմ, ըստ ինձ հասած տեղեկությունների և իմ անձնական դիտարկումների՝ փորձել են շենքի առանձին բնակիչների ներգրավել իմ դեմ ուղղված բողոքների և ահազանգերի գործընթացում։

 

Ընդգծում եմ, որ իմ ունեցած տեղեկությունների համաձայն՝ վերոնշյալ գործակալները իրենք ուղղակիորեն հանդես չեն եկել բոլոր բողոքներով, այլ փորձել են այլ անձանց ներգրավել իրենց նախաձեռնած գործընթացներում՝ իմ դեմ կեղծ կամ իրականությանը չհամապատասխանող բողոքներ և ահազանգեր ձևավորելու նպատակով։ Այս հանգամանքները խնդրում եմ ստուգել իրավասու մարմինների միջոցով։

 

Ի՞նչ իրավիճակ է ստեղծվել արդյունքում։

 

Իմ բնակության շենքում վարձակալությամբ տարածք զբաղեցրած վերոնշյալ գործակալները, փոխանակ պահպանելու բնականոն համակեցության և փոխադարձ հարգանքի կանոնները,

ըստ իմ անձնական դիտարկումների,

ստեղծել են այնպիսի մթնոլորտ,

որտեղ իմ դեմ են տրամադրվում շենքի առանձին բնակիչներ,

տարածվում են իմ վերաբերյալ բացասական տեղեկություններ,

իսկ իմ բնակարանի լուսամուտների տակ պարբերաբար տեղի են ունենում սադրիչ վարքագծի դրսևորումներ։

 

Իմ պնդմամբ՝ այդ գործողությունները կրում են պարբերական բնույթ և տեղի են ունենում օրվա տարբեր ժամերի, այդ թվում՝ ուշ երեկոյան։

 

Իմ անձնական դիտարկումների համաձայն՝ առկա են բարձրաձայն խոսելու, վիրավորելու, վարկաբեկելու և ինձ անհանգստացնելու դեպքեր, որոնց վերաբերյալ ունեմ նաև տեսաձայնագրություններ։

 

Բացի այդ, իմ վերաբերյալ, ըստ ինձ հասած տեղեկությունների, իրավասու մարմիններին, շենքի բնակիչներին և այլ անձանց փոխանցվում են իրականությանը չհամապատասխանող տեղեկություններ, որոնք կարող են ձևավորել իմ մասին բացասական և խեղաթյուրված պատկերացում։

 

Ինձ մոտ հիմնավոր մտահոգություն է առաջացել, որ նման վարքագծի նպատակներից մեկը կարող է լինել ինձ դիտավորյալ սադրելը, որպեսզի իմ կողմից որևէ ահազանգ կամ բողոք ներկայացնելու դեպքում փորձ արվի իմ արձագանքները ներկայացնել որպես ոչ համարժեք վարքագիծ, իսկ իմ ահազանգերը՝ որպես անհիմն։

 

Մասնավորապես, մտահոգություն ունեմ, որ կարող են կրկին փորձել իմ վերաբերյալ ձևավորել ինձ հետ կապված անհիմն պիտակավորում՝ փոխարենը գնահատելու այն հանգամանքները, որոնց մասին ես ահազանգում եմ։

 

Հատուկ ընդգծում եմ, որ իմ կողմից իրավասու մարմիններին դիմելը կամ հնարավոր իրավախախտումների վերաբերյալ հաղորդումներ ներկայացնելը չի կարող ինքնին հիմք հանդիսանալ իմ անձը վարկաբեկելու կամ իմ վերաբերյալ անհիմն ենթադրություններ տարածելու համար։

 

Երեք անձանց վարքագծի և իմ անձնական դիտարկումների վերաբերյալ

 

Լրացուցիչ ցանկանում եմ ուշադրություն հրավիրել նաև հետևյալ հանգամանքների վրա։

 

Իմ անձնական դիտարկմամբ՝ նշված երեք տղամարդկանց վարքագծում նկատել եմ ինձ հետ կապված արտահայտված լարվածության, տագնապի, վախի և երբեմն նաև ագրեսիվության դրսևորումներ։

 

Ինձ համար անհասկանալի է, թե ինչով է պայմանավորված երեք չափահաս տղամարդկանց կողմից մեկ աղջկա նկատմամբ նման ընդգծված թշնամական վերաբերմունքը,

լարվածությունն ու անհամաչափ արձագանքը, հատկապես այն պայմաններում, երբ ես նրանց հետ որևէ անձնական շփում կամ հակամարտություն չեմ նախաձեռնում և զբաղված եմ իմ աշխատանքային գործունեությամբ։

 

Մասնավորապես, իմ անձնական դիտարկմամբ՝ նրանցից մեկի հետ խոսակցության ընթացքում նկատել եմ ամբողջ մարմնի արտահայտված ցնցումներ, այդ թվում՝ գլխի, պարանոցի և մարմնի այլ հատվածների շարժումներ։

 

Ես չեմ կարող և չեմ փորձում որոշել այդ երևույթների պատճառը կամ դրանց բժշկական բնույթը։

Սակայն խնդրում եմ, անհրաժեշտության և իրավական հիմքերի առկայության դեպքում, այդ վարքագծին համապատասխան մասնագիտական գնահատական տալ։

 

Ինձ հասած տեղեկությունների համաձայն՝ նշված անձինք հնարավոր է հաշվառված լինեն հոգեկան առողջության կենտրոնում։

Ես այս տեղեկությունը չեմ ներկայացնում որպես հաստատված փաստ և որևէ մեկի առողջական վիճակի վերաբերյալ ինքնուրույն եզրակացություն չեմ անում։

 

Այնուամենայնիվ, խնդրում եմ պարզել՝ արդյոք առկա են այդ տեղեկությունը ստուգելու օրինական հիմքեր, և անհրաժեշտության դեպքում գործել օրենքով սահմանված կարգով՝ պահպանելով անձնական և բժշկական տվյալների գաղտնիությունը։

 

Միաժամանակ խնդրում եմ իրավական առումով պարզաբանել՝ արդյոք հոգեկան առողջության կենտրոնում հաշվառված լինելու հանգամանքն ինքնին որևէ սահմանափակում առաջացնում է բնակելի շենքում բնակվելու,

տարածք վարձակալելու կամ անշարժ գույքի գործակալական և այլ բիզնես գործունեություն իրականացնելու հարցում,

թե նման սահմանափակում կարող է կիրառվել բացառապես օրենքով նախատեսված կոնկրետ բժշկական կամ իրավական հիմքերի առկայության դեպքում։

 

Ինձ համար սկզբունքային է, որ որևէ անձի առողջական վիճակը չդառնա ոչ խտրական վերաբերմունքի, ոչ էլ այլ անձանց իրավունքները խախտելու արդարացում։

Միևնույն ժամանակ, եթե առկա են օրենքով նախատեսված սահմանափակումներ կամ վտանգավոր վարքագծի վերաբերյալ իրավականորեն նշանակություն ունեցող հանգամանքներ, խնդրում եմ դրանք գնահատել իրավասու մասնագետների և մարմինների կողմից։

 

Վարձակալված տարածքի օգտագործման և սեփականատիրոջ տեղեկացվածության վերաբերյալ

 

Խնդրում եմ այս իրավիճակը դիտարկել նաև հետևյալ համեմատական օրինակի միջոցով։

 

Պատկերացնենք, որ ես մեկ այլ բնակելի շենքում վարձակալությամբ գրասենյակային տարածք եմ վերցնում և այնտեղ գործունեություն ծավալելու ընթացքում սկսում եմ տվյալ շենքի բնակիչներին տրամադրել այդ տարածքի սեփականատիրոջ կամ որևէ այլ բնակչի դեմ, նրանց ներգրավել բողոքների և ահազանգերի մեջ, պարբերաբար աղմկել նրանց բնակարանների լուսամուտների տակ, վիրավորել, վարկաբեկել և նրանց վերաբերյալ իրականությանը չհամապատասխանող տեղեկություններ տարածել։

 

Ակնհայտ է, որ նման վարքագիծը չէր կարող դիտարկվել որպես սովորական գործարար գործունեություն կամ վարձակալված տարածքից օգտվելու բնականոն իրավունք։

 

Ուստի հարց եմ բարձրացնում՝ ի՞նչ իրավունքով կարող են տվյալ անձինք իրենց վարձակալած տարածքում գործունեություն իրականացնելու հանգամանքն օգտագործել իմ անձնական և ընտանեկան կյանքի, բնակարանի խաղաղության ու բնականոն կենսագործունեության վրա նման ազդեցություն ունենալու համար։

 

Առանձին անդրադառնում եմ նաև տարածքի սեփականատիրոջ տեղեկացվածության հարցին։

 

Հասկանում եմ, որ վարձակալված տարածքի սեփականատերը չի կարող ինքնաբերաբար պատասխանատու համարվել վարձակալների յուրաքանչյուր գործողության համար։

 

Սակայն, եթե սեփականատերը տեղեկացված է իր տարածքը վարձակալած անձանց վարքագծի, բնակիչների հետ առաջացած հակասությունների և այդ տարածքի օգտագործման հետևանքով ստեղծված իրավիճակի մասին, խնդրում եմ իրավական գնահատական տալ նաև նրա տեղեկացվածության, հնարավոր մասնակցության և օրենքով սահմանված պարտավորությունների շրջանակում։

 

Իմ համոզմամբ՝ բնակելի շենքում տարածք վարձակալած անձինք պարտավոր են հարգել շենքի մյուս բնակիչների իրավունքները և չօգտագործել իրենց գործունեությունը որպես այլ անձանց նկատմամբ ճնշում գործադրելու միջոց։

 

Հաշվի առնելով վերոգրյալը՝ խնդրում եմ.

 

1. Ստուգել իմ ներկայացրած տեղեկությունները՝ շենքի բնակիչներին իմ դեմ ուղղված բողոքների և ահազանգերի գործընթացում հնարավոր ներգրավելու վերաբերյալ։

 

2. Ուսումնասիրել իմ տրամադրության տակ առկա տեսաձայնագրությունները և գնահատել դրանցում արտացոլված գործողությունները։

 

3. Ստուգել իմ վերաբերյալ իրավասու մարմիններին և այլ անձանց փոխանցված տեղեկությունների իսկությունը։

 

4. Պարզել՝ արդյոք առկա են իմ նկատմամբ դիտավորյալ սադրանքի, վիրավորանքի, վարկաբեկման, անձնական կյանքի խաղաղությունը խաթարելու կամ այլ իրավախախտումների հատկանիշներ։

 

5. Իրավական գնահատական տալ անշարժ գույքի գործակալների գործողություններին, ինչպես նաև անհրաժեշտության դեպքում ուսումնասիրել տարածքի սեփականատիրոջ տեղեկացվածության և հնարավոր մասնակցության հանգամանքները։

 

6. Հնարավոր իրավական հիմքերի առկայության դեպքում, օրենքով սահմանված կարգով, ստուգել ինձ հասած տեղեկությունները՝ նշված անձանց հոգեկան առողջության կենտրոնում հնարավոր հաշվառված լինելու վերաբերյալ՝ պահպանելով բժշկական գաղտնիությունը։

 

7. Պարզաբանել հոգեկան առողջության կենտրոնում հաշվառված լինելու և բնակելի շենքում բնակվելու, տարածք վարձակալելու կամ բիզնես գործունեություն իրականացնելու իրավական հարաբերակցությունը՝ հաշվի առնելով, որ հաշվառման փաստն ինքնին չի կարող համարվել անձի իրավունքների սահմանափակման հիմք։

 

8. Ուսումնասիրել նշված անձանց վարքագծի վերաբերյալ իմ ներկայացրած դիտարկումները և անհրաժեշտության դեպքում գնահատել դրանց նշանակությունը շրջապատի անձանց անվտանգության ապահովման տեսանկյունից։

 

9. Ձեռնարկել օրենքով նախատեսված միջոցներ՝ իմ բնակարանի և անձնական կյանքի խաղաղությունն ապահովելու, հնարավոր իրավախախտումները կանխելու և հետագա նմանատիպ միջադեպերը բացառելու ուղղությամբ։

 

10. Ուսումնասիրել նաև վարձակալված տարածքն այդ նպատակով օգտագործելու օրինականության հարցը և իրավական հիմքերի առկայության դեպքում համապատասխան միջոցներ ձեռնարկել, այդ թվում՝ օրենքով նախատեսված կարգով քննարկել վարձակալության հարաբերությունների դադարեցման հարցը։

 

Առանձին նշում եմ, որ իմ նպատակն ամենևին որևէ մեկի իրավունքները խախտելը կամ անձնական հակամարտություն ստեղծելը չէ։ Ես պահանջում եմ միայն իմ իրավունքների պաշտպանությունը, անվտանգ և հանգիստ բնակության հնարավորությունը և օրենքի հավասար կիրառումը բոլորի նկատմամբ։

 

Միաժամանակ ընդգծում եմ, որ ոչ ոք իրավունք չունի սեփական վարձակալած տարածքը դարձնել այլ շենքի հիմնական բնակչի բնականոն կյանքը խաթարելու, նրան վարկաբեկելու կամ նրա նկատմամբ ճնշում գործադրելու միջոց։

 

Խնդրում եմ իմ հաղորդմանը տալ պատշաճ ընթացք, ուսումնասիրել ներկայացված փաստական հանգամանքները, կատարել օբյեկտիվ ստուգումներ և արդյունքների վերաբերյալ տրամադրել իրավական հիմնավորումներով գրավոր պատասխան։

 

Հարգանքով՝ Գայանե Ջհանգիրյան

05.11.26թ.