Աշխարհի լավագույն սրճարանը գտնվում է Սիդնեյում
Աշխարհի լավագույն սրճարանը Սիդնեյում է։ Համենայնդեպս, այդ է վկայում աշխարհի լավագույն սրճարանների նոր վարկանիշային աղյուսակը, որում ավստրալական քաղաքը առաջ է անցել իր հավերժական մրցակից Մելբուրնից՝ գրավելով առաջին տեղը, հայտնում է CNN-ը։
Աշխարհի լավագույն սրճարան է ճանաչվել Սիդնեյի Toby’s Estate Coffee Roasters-ը, որին հաջորդում են Արկանզասի Onyx Coffee Lab-ը, Վիեննայի Gota Coffee Experts-ը, Մելբուրնի Proud Mary Coffee-ն և Օսլոյի Tim Wendelboe-ն:
Սրճարանների լավագույն տասնյակում ներառվել են նաև Սինգապուրի, Ֆրանսիայի, Մալայզիայի և Կոլումբիայի սրճարանները:
Համաձայն World’s 100 Best Coffee Shops վարկանիշային կայքի՝ ամբողջ աշխարհում սրճարանները դասակարգվել են մի շարք գործոններով՝ սկսած սուրճի և սննդի որակից, կայունության գործելակերպից և հաճախորդների սպասարկումից: Վերջնական տարբերակն ընտրելիս հաշվի են առնվել ինչպես հասարակական կարծիքը, այնպես էլ փորձագիտական գնահատականները։
Toby’s Estate սուրճի ցանցը հիմնադրվել է 1997 թվականին, երբ փաստաբան Թոբի Սմիթը բիզնեսը սկսեց իր մոր ավտոտնակում՝ Վուլլոոմուլոում, արևելյան Սիդնեյի արվարձան նավահանգստում:
Երկրորդ տեղում Արկանզասի Onyx Coffee Lab-ն է: Ընկերությունն ունի երեք վայր՝ Բենթոնվիլում, Ֆայետվիլում և Սփրինգդեյլում, բայց պարզ չէ, թե որն է ցուցակում տեղ գտել: Երրորդ տեղը զբաղեցրած Viennese Gota Coffee-ն իր երախտագիտությունն է հայտնել սոցցանցերում ճանաչման համար։