ՔՊ-ն իր թեկնածուին անցնելու համար խառնել է ոստիկանապետին ու քրեական հեղինակություններին
Ambionnews-ի տեղեկություններով` Շիրակի մարզի նոր ոստիկանապետին` Արսեն Ոսկանյանին հրաման է տրվել, որպեսզի իր մոտ հրավիրի Գյումրիի քրեական հեղինակություններին և պայմաններ առաջարկի։
Մեր աղբյուրի փոխանցմամբ` «օրենքով գողերից» պահանջվում է քվե բերել Կարեն Սարուխանյանին, իսկ հակառակ դեպքում կարող են վերաբացվել վաղուց մոռացված քրեական գործեր։
Մեր աղբյուրի խոսքով` ՔՊ-ն իր թեկնածուին անցնելու համար խառնել է ոստիկանապետին ու քրեական հեղինակություններին։
Հիշեցնենք, որ օրերս փոխվեց մարզի ոստիկանապետը, պաշտոնանկ արվեցին մարզի ոստիկանության բաժանմունքների պետեր։
ՔՊ-ականները հնարավոր և անհնար ձևերով լծվել են, որ ամեն գնով Կարեն Սարուխանյանին դարձնեն քաղաքապետ։
Օրերս հայտնել էինք, որ ՔՊ-ն Գյումրիում վախի մթնոլորտ է ստեղծում. «օրենքով գողի» զարմուհին լծվել է քարոզչությանը
Ոստիկանության մեր աղբյուրի փոխանցմամբ` հիմնականում այնպիսի մարդկանց են նշանակել բաժնի պետեր, ովքեր Կիրանցում, ցույցերի ժամանակ բարձր մակարդակով են կատարել իշխանությունների հրամանները։