Հոնկոնգում բողոքի ցույցերի ժամանակ հրդեհել են ցուցարարներից մեկին (տեսանյութ) 18:34 • 11.11.19 Իրադարձային Հոնկոնգում տեղի ունեցող բողոքի ցույցի ժամանակ տղամարդու վրա հեղուկ վառելիք են լցրել և այրել՝ ազգային պատկանելիության մասին վիճաբանության պատճառով։ Այս մասին հաղորդում է Associated Press-ը, որը տեսանյութ է հրապարակել դեպքի վայրից։ Հրապարակված կադրերում երևում է, թե ինչպես են մի խումբ մարդիկ ակտիվ բանավիճում, ինչից հետո տղամարդկանցից մեկին հրդեհում են։ Միջադեպից հետո նրան հիվանդանոց են տեղափոխել։ Նա գտնվում է ծայրահեղ ծանր վիճակում։ Աղբյուրը չի հայտնել, թե արդյոք ձերբակալվել է որևէ մեկը կատարվածի հետևանքով, թե ոչ։ Հաղորդվում է, որ այսօր ոստիկանությունը կրակ է բացել ցուցարարներին ցրելու համար, որոնք առավոտից արգելափակել էին ճանապարհները և խոչընդոտում էին տրանսպորտային համակարգի աշխատանքը։ Ցուցարարներից մեկը բախումների հետևանքով ծանր վիրավորում է ստացել։ Հիշեցնենք, որ Հոնկոնգում բողոքի ցույցերը չեն դադարում մի քանի ամիս շարունակ։ Բողոքի ցույցերի պատճառ է դարձել քաղաքի իշխանությունների՝ արտահանձնման մասին օրենքում փոփոխություններ սահմանելու որոշումը։ Փոփոխությունները թույլատրում են հանցագործության մեջ կասկածվողներին Հոնկոնգից արտահանձնել այլ երկրներ, այդ թվում՝ Չինաստանի մայրցամաքային հատված։ ՈՒՇԱԴՐՈՒԹՅՈՒՆ Նյարդերից թույլ մարդկանց և անչափահասներին խորհուրդ չի տրվում դիտել տեսանյութը։ ԼՐԱՀՈՍ 19:21 • 11/11 ՀՀ նախագահը 4 դատավոր է նշանակել Երևանում և Արարատի ու Վայոց Ձորի մարզերում 19:12 • 11/11 Անջելինա Ջոլին երեխաների հետ այցելել է Կանարյան կղզիներ (լուսանկարներ) 19:11 • 11/11 Իշխանությունները ցույց են տալիս իրենց ռեպրեսիվ վարքագիծը. պատերազմ են հայտարարել այն ամենի դեմ, ինչն ազգային է. ՀՅԴ ԳՄ ներկայացուցիչ (տեսանյութ) 19:01 • 11/11 Քարակերտի միջադեպի գործով Տավրոս Սափեյանը ներգրավվել է