Էրդողանը սպառնացել է քրդերին՝ նոր արշավ սկսել պայմանավորվածության չիրագործման դեպքում
Անկարան քրդերի դեմ նոր գործողություններ կսկսի Սիրիայում, եթե նրանք չհեռանան Թուրքիայի հետ սահմանի երկարությմաբ ձգվող 30 կմ երկարությամբ անվտանգության գոտուց, որի ստեղծման շուրջ պայմանավորվածություն է ձեռք բերվել ՌԴ և Թուրքիայի նախագահների միջև: РИА Новости-ի փոխանցմամբ՝ նման հայտարարությամբ է հանդես եկել թուրք առաջնորդ Ռեջեփ Թայիփ Էրդողանը:
«Մենք պայմանավորվել ենք, եթե 150 ժամ հետո ահաբեկիչները մնան այդ գոտում, մենք կշարունակենք անել այն, ինչ պարտավոր ենք: Մենք ինքներս վերահսկողության տակ կվերցնենք տարածքը և դուրս կմղենք նրանց: Բանակցությունների սեղանի շուրջ ահաբեկիչների հետ չենք նստի», – ասել է Էրդողանը՝ ելույթ ունենալով Ստամբուլում:
Հիշեցնենք, որ հոկտեմբերի 22-ին ՌԴ և Թուրքիայի նախագահները 6 ժամ 20 րոպե տևած բանակցությունների արդյունքում որոշել են անվտանգության գոտի ստեղծել թուրք-սիրիական սահմանի երկայնքով 30 կմ տարածությամբ: Քրդերը պետք է ազատեն այդ տարածքը, որից հետո ռուս-թուրքական զինվորականները համատեղ հերթապահություն կիրականացնեն անվտանգության գոտում: