Սկզբում կալանավորում են, հետո մտածում՝ ինչ համար.Կոնստանտին Տեր-Նակալյան. քննարկում
Այսօր մամուլի ասուլիսին «Ադեկվադ» կուսակցության անդամ Կոստանտին Տեր-Նակալյանը և հասարակական քաղաքական գործիչ Գուրգեն Եղիազարյանն անդրադարձան ՀՀ ներքաղաքական իրավիճակին:
Կոստանտին Տեր-Նակալյանը նշեց, որ դեռևս մեկուկես տարի առաջ ասում էին, որ իրադարձություններն այսպիսի զարգացումներ են ունենալու: «Մենք տեսնում ենք ծաղրանկարային դիկտատուրաների էլեմենտներով փնթի ռեպրեսիա և այդ բառի կիրառությունը նույնիսկ մեծ պատիվ է այս իշխանություններին»,-ասաց նա և հավելեց, որ արդեն երեք մարդ (Նարեկ Մութաֆյան, Սարգիս Օհանջանյան, Արսեն Բաբայան) անհիմն հիմնավորումներով անազատության մեջ է:
«Իշխանությունը հասել է մի վիճակի, երբ որոշման կայացման մեխանզիմը հետևյալն է՝ եկեք կալանավորենք, հետո կմտածենք՝ ինչի համար»,-ասաց նա և նշեց, որ այս ընթացքում պատռվում են բոլոր հնարավոր ու անհնար դիմակները:
Ըստ նրա՝ չի կարող առողջ հասարակություն գալ Նիկոլ Փաշինյանը: «Ձերբակալությունները շարունակվելու են, խուլիգանական արարքները, երկակի ստանդարտների կիրառումները շարունակվելու են»,-ասաց նա և նշեց, որ պատահական չէ դեսպանատների, միջազգային կառույցների լռությունը:
Գուրգեն Եղիազարյանը նշեց, որ մենք մեր ավանդույթները կորցրել ենք և այն, ինչ կատարվում է, խուլիգանություն է, «բեսպրիդել»: «Նիկոլ Փաշինյանն ինքն իրեն ամեն օր խայտառակում է, սա մի ղեկավար է, ով ընդհանրապես օրակարգ չունի: Այ տղա ջան, ինչ ես ուզում ՀՀ-ից, դու կամիկաձե ես, դու այնպիսի բաներ ես արել, որ պետք է նստես ինքնաթիռ ու ինքդ քեզ ոչնչացնես»,-ասաց նա:
Նա ընդգծեց նաև, որ ՀՔԾ-ն վերածվել է «Նիկոլ»-ի: Ըստ նրա՝ Նիկոլ Փաշինյանը որտեղ կպնում, փչացնում է: «Կառավարությունում նաև հին տղաներ կան, որոնք աշխատել գիտեն, բայց նրանց էլ չես թողնոմ աշխատել, քանի որ ընկել են քո խելքին, իսկ դու էլ խելք չունես: Մեկ-մեկ որ նայում ես հայելու մեջ, զարմանում ես, չէ՞, դու ուր, վարչապետությունն ուր»,-ասաց նա և համաձայնեց, որ սկզբում մարդկանց ձերբակալում են, հետո մտածում ինչի համար:
Նա նշեց, որ Ստամբուլյան կոնվենցիան և Ամուլսարի հանքի շահագործումը Հայաստանը ներսից պայթացնելու երկու գործոն են: «Ծոծորակդ կտեսնես, բայց Ստաբուլյան կոնվենցիան չես տեսնի, ոչ էլ Ամուլսարի հանքի շահագործումը կտեսնես: ՀՀ տոտալ գեյացմանը վերջ տուր, դա էլ քո խելքի բանը չի: Քեզ պետք է դատի տալ Ողջի գետի համար»,-ասաց նա: