Իրանի պատմության մեջ առաջին անգամ ֆուտբոլային հանդիպումը կմեկնաբանեն կանայք
Իրանի պատմության մեջ առաջին անգամ ֆուտբոլային հանդիպումը կմեկնաբանեն կանայք: Այդ մասին Life.ru-ի փոխանցմամբ՝ հայտնում է IRNA գործակալությունը:
Աղբյուրի հաղորդմամբ՝ գեղեցիկ սեռի ներկայացուցիչները մեկնաբանելու են Չեմպիոնների լիգայի «Չելսիի»- «Այաքս» խաղը: Ուղիղ եթերում հանդիպումը կմեկնաբանեն Գելարե Նազեմին և Նիլուֆար Արդալանը:
Հիշեցնենք, որ վերջին 40 տարում իրանցի կին երկրպագուներին արգելվել է ներկա գտնվել տղամարդկանց հավաքականների ֆուտբոլային խաղերին: 2018 թվականի Աշխարհի առաջնության ժամանակ Իրանի իշխանությունները համաձայնեցին զիջումների գնալ և թույլ տվեցին հետևել Թեհրանի «Ազադի» մարզադաշտից ուղիղ հեռարձակվող ազգային հավաքականի խաղին:
Եվ միայն վերջերս իրանցի կանանց թույլատրվեց մարզադաշտում հետևել Իրանի և Կամբոջայի հավաքականների միջև ֆուտբոլային հանդիպմանը: