Կազանում բնակվող 4-ամյա հրաշամանուկը յուրահատուկ տաղանդի շնորհիվ 40 այբուբեն է յուրացրել, որոնց թվում սիրելին հայերենն է (տեսանյութ)
Ռուսական Առաջին ալիքը ներկայացրել է Կազանում բնակվող 4-ամյա Տամերլանին, որին իր յուրահատուկ տաղանդի շնորհիվ արդեն անվանում են այբուբեն-տղա։
Փոքրիկն արդեն անգիր գիտի 40 այբբենարանների տառեր, այդ թվում և հայերեն։ Հայրենի քաղաքում փոքրիկ հրաշամանուկն արդեն մեծ ճանաչում ունի։
Տամերլանը հեշտությամբ անվանում է բոլոր տառերը, կարդում և գրում է գրեթե յուրաքանչյուր լեզվով։ 10 ամսականում փոքրիկը սկսել է ցույց տալ իր անվան առաջին տառը, իսկ երբ ծնողները նկատել են նրա յուրահատուկ հետաքրքրվածությունը, նրա համար այբբենարան են գնել փազլի տեսքով։ Արդյունքում երկու ամսից նա արդեն անգիր գիտեր ռուսերեն և անգլերեն տառերը։
Երեխայի մոր խոսքով՝ Տամերլանը մանկապարտեզ է հաճախում, ինչպես նաև ուսումնասիրում է չինարեն և անգլերեն։ Ինչպես տղան ինքն է նշում, ամենից շատ իրեն հայերեն տառերն են դուր գալիս։