Նույնիսկ գործող օրենքի ճիշտ կիրառման ու մեկնաբանման դեպքում՝ այս վարույթը չէր կարող հարուցվել. Դատավորի ներկայացուցիչը՝ ԲԴԽ-ում
Բարձրագույն դատական խորհրդի նիստում Սնանկության դատարանի դատավոր Սամվել Թադևոսյանին, Վերաքննիչ քաղաքացիական դատարանի դատավոր Աստղիկ Խառատյանին, Վճռաբեկ դատարանի քաղաքացիական պալատի դատավորներ Արտակ Բարսեղյանի և Տիգրան Պետրոսյանին կարգապահական պատասխանատվության ենթարկելու հարցի վերաբերյալ արդարադատության նախարարի պարտականությունները կարող Լևոն Բալյանի միջնորդության քննությանը Արտակ Բարսեղյանի ներկայացուցիչ Էմիլ Ամիրխանյանը հայտարարեց, որ վիճարկում են վարույթի հարուցման որոշման իրավաչափությունը։
Նա ընդգծեց, որ նույնիսկ գործող օրենքի ճիշտ կիրառման ու մեկնաբանման դեպքում այս վարույթը չէր կարող հարուցվել։
«Այս գործով, որով վարույթ է հարուցվել որպես առիթ ծառայեցնելով 2019 թվականի վճիռը, ոչ իրավաչափ է նման վարույթի հարուցումը, կատարվել է օրենքների սխալ մեկնաբանության ու սխալ կիրառության ադյուքում»,- ասաց Է. Ամիրխանյանը։
Հիշեցնենք, որ վարույթի հիմքում ՄԻԵԴ վճիռներից մեկն է. արդարադատության նախարարը միջնորդել է դատավորներին պատժել 2009 թվականին, այսինքն՝ 14 տարի առաջ կայացված դատական ակտերի համար՝««Շոլց ԱԳ» ընկերությունն ընդդեմ Հայաստանի» 2019թ հունվարի 24-ին հրապարակված ՄԻԵԴ վճռի հիման վրա։
