Հարրի Սթայլսն ընդհատել է համերգը հանուն հղի երկրպագուհու եւ օգնել նրան ընտրել ապագա երեխայի անունը
Հարրի Սթայլսը ոչ միայն տաղանդավոր երգիչ է, այլեւ հոգատար։ 29-ամյա երաժիշտն ընդհատել է իր համերգը, որպեսզի թույլ տա Սիան անունով հղի երկրպագուհուն գնալ զուգարան, ապա օգնել է նրան ընտրել երեխայի անունը։
Տեսանյութում երեւում է, թե ինչպես է Սիանը խնդրում Սթայլսին օգնել անվանակոչել իր երեխային: «Դա մեծ ճնշում է, Սիան: Իսկապե՞ս ուզում ես, որ ես նրան անուն տամ: Դա կարող է բավականին զվարճալի լինել, այնպես չէ՞»:
Այնուամենայնիվ, մինչ նա կպատասխաներ, Սիանը խոստովանել է, որ պետք է զուգարան գնա, ու Սթայլզը խոստացել է հետաձգել համերգը, մինչ նա վերադառնա։ «Ես պատրաստվում եմ դա անել մեկ անգամ: Եթե գնաս միզես, կդադարեմ,- ասել է նա,- Սիան, դու ոչինչ բաց չես թողնի: Եթե շտապես, ոչինչ բաց չես թողնի»։
Մինչ Սիանը բացակայել է, Սթայլզը զվարճացրել է հանդիսատեսին՝ կարդալով երկրպագուների պաստառները: Երբ Սիանը վերադարձավ, նա ուրախացրեց նրան եւ վերսկսեց անվանական խաղը չորս տարբերակով՝ Սթիվի, Ռեյֆ, Հարլի եւ Քեյլեբ։ Երգչուհին հավաքվածներին խնդրել է քվեարկել։ Ի վերջո, ծափահարությունները հասան Քեյլեբի, իսկ Սթայլզը հայտարարեց, որ անունն ընտրվել է: