Հայաստանի օդանավակայաններում ուղևորահոսքը շարունակում է սրընթաց աճել
Հայաստանի երկու օդանավակայաններում («Զվարթնոց» և «Շիրակ») 2023 թվականի հունվար-ապրիլին ուղևորահոսքը կազմել է 1 453 222 մարդ։
«Զվարթնոց» օդանավակայանում նշված ժամանակահատվածում ուղևորահոսքը կազմել է 1 427 916, իսկ «Շիրակ» օդանավակայանում՝ 25 306։
Նշենք, որ Հայաստանի երկու օդանավակայաններում («Զվարթնոց» և «Շիրակ» օդանավակայաններում) 2022 թվականի հունվար-մարտին ուղեւորահոսքը կազմել է ընդամենը 570 689, իսկ 2021 թվականի առաջին եռամսյակում՝ ընդամենը 270 975 մարդ։
Անգամ առանց նախորդ երկու տարիների ապրիլ ամսվա ցուցանիշը հաշվի առնելու, ակնհայտ է, որ ուղեւորահոսքը զգալիորեն աճել է։