Բայրամով. Հայաստանի հետ բանակցային գործընթացում դրական միտում է նկատվել

Մոսկվայում Ռուսաստանի արտաքին գործերի նախարար Սերգեյ Լավրովը հանդիպել է  Ադրբեջանի արտգործնախարար Ջեյհուն Բայրամովի հետ։

news.ru-ի հաղորդմամբ, հանդիպմանը  Լավրովը հայտարարել է, որ Մոսկվան նպատակ ունի իրականացնել Ռուսաստանի և Ադրբեջանի նախագահներ Վլադիմիր Պուտինի և Իլհամ Ալիևի միջև ձեռք բերված բոլոր պայմանավորվածությունները։

«Մենք կենտրոնացած ենք նախագահներ Պուտինի և Ալիևի միջև ձեռք բերված բոլոր պայմանավորվածությունների իրականացման վրա»,- ասել է Լավրովը։

Բայրամովն իր հերթին նշել է Հայաստանի հետ բանակցային գործընթացի դրական դինամիկան։

«Հայաստանի հետ բանակցային գործընթացում դրական միտում է նկատվել։ Նկատի ունեմ մայիսին սերտ շփումները (հայկական կողմի հետ.- NEWS.ru)»-, ասել է Բայրամովը։

Հիշեցնենք, որ Արարատ Միրզոյանը այսօր նույնպես կլինիի Մոսկվայում, որտեղ անցկացվելու է Հայաստանի և Ադրբեջանի միջև հարաբերությունների կարգավորման շուրջ քննարկումների հերթական փուլը: ՀՀ ԱԳՆ հաղորդմամբ, նախատեսված է երկկողմ հանդիպում ՌԴ ԱԳ նախարար Սերգեյ Լավրովի հետ և եռակողմ հանդիպում՝ Հայաստանի, ՌԴ և Ադրբեջանի ԱԳ նախարարների մասնակցությամբ:

Share This