111-ամյա բրիտանացին ճանաչվել է աշխարհում ամենատարեց տղամարդը

Անգլիայի բնակիչ Ջոն Թինիսվուդը դարձել է աշխարհի ամենատարեց տղամարդ՝ գրանցվելով Գինեսի ռեկորդների գրքում, հայտնում է BBC-ն:

Տղամարդը, որն ապրիլի 8-ի դրությամբ 111 տարեկան 226 օրական է, իր երկարակեցությունը կապում է ձկնամթերքի օգտագործման և երիտասարդության տարիներին կանոնավոր քայլելու սովորությունների հետ:

Թինիսվուդն այժմ ապրում է Սաութպորտի ծերանոցում: Նա խորհուրդ է տալիս «մարզել միտքը» և ամեն ինչում «չափավորություն» ցուցաբերել։ Տղամարդը «Լիվերպուլ» ֆուտբոլային ակումբի երկրպագու է։

Թինիսվուդն աշխատել է խոշոր ընկերություններում՝ Royal Mail, Shell և BP, մապա անցել է թոշակի:

Նա նշել է, որ հատուկ սննդակարգ չունի: Որպես երկարակեցության գաղտնիք՝ նա խորհուրդ է տալիս «երբեք չծանրաբեռնել օրգանիզմը»՝ առողջությունը պահպանելու, ինչպես նաև մարդկանց հետ շփվելու համար։