Ֆրանսիայում անտառային հրդեհների հետևանքով մոտ 10 հազար մարդ է տարհանվել
Ֆրանսիայի հարավարևմուտքում անտառային հրդեհների պատճառով Իսպանիայի սահմանին մոտ գտնվող շուրջ երկու տասնյակ փոքր քաղաքներից ու գյուղերից տարհանվել է մոտ 10 հազար մարդ։
Իշխանությունները հայտնում են, որ հուլիսի 6-ի ուժեղ քամիները կարող են ուժեղացնել կրակի տարածումը։ «Արմենպրես»-ի փոխանցմամբ, Ռոյթերսը տեղեկացնում է, որ Պիրենեյների նախալեռներում այրվել է մոտ 4600 հեկտար։
«Այս առավոտ պայմանները կրկին վատթարանում են։ Այսօր վերսկսվում է պայքարը», – ասել է Ֆրանսիայի ներքին գործերի նախարար Լորան Նյունեզը TF1-ի եթերում։ Սահմանի այն կողմում՝ Իսպանիայում, վնասվել է 2200 հեկտար, իսկ Կատալոնիայի հարավում՝ արևելյան Կաստելյոն նահանգում, 500 մարդ է տարհանվել, երբ հրդեհը ներթափանցել է Սիեռա դե Էսպադան ազգային պարկ։