Օրբանը Զելենսկիին առաջարկել է համաձայնել հրադադարին
Հունգարիայի վարչապետ Վիկտոր Օրբանը հայտարարել է, որ խնդրել է Ուկրաինայի նախագահ Վլադիմիր Զելենսկիին քննարկել հրադադարի հնարավորությունը նախքան խաղաղ բանակցությունները։ Պարոն Օրբանի կարծիքով, դա կարող է արագացնել բանակցությունները։ Նա նաև հույս է հայտնել, որ Հունգարիայի և Ուկրաինայի միջև հարաբերությունները կբարելավվեն։
«Մենք բարձր ենք գնահատում նախագահ Զելենսկու խաղաղ նախաձեռնությունները և խնդրել ենք նրան քննարկել հրադադարի հնարավորությունը նախքան բանակցությունները սկսելը»,- ասել է Հունգարիայի վարչապետը բանակցություններից հետո մամուլի ասուլիսում: Նրա խոսքը մեջբերել է Reuters-ը:
Հիշեցնենք, որ հունիսի 14-ին ՌԴ նախագահ Վլադիմիր Պուտինը թվարկել է Ուկրաինայում ռազմական գործողությունների դադարեցման և հետագա բանակցությունների պայմանները։ Դրանք ներառում են ուկրաինական զորքերի դուրսբերումը Լուգանսկի և Դոնեցկի ժողովրդական հանրապետություններից, ինչպես նաև Խերսոնի և Զապորոժիեի շրջաններից, շրջանների վարչական սահմաններում, ինչպես նաև Կիևի պաշտոնական հրաժարումը ՆԱՏՕ-ին միանալուց:
Ուկրաինյի նխգհ Վլադիմիր Զելենսկին ասել է, որ Ուկրաինան կարող է «վաղը» սկսել բանակցությունները Ռուսաստանի Դաշնության հետ, եթե Ռուսաստանը հարգի իր տարածքային ամբողջականությունը։ Նա թույլատրել է հուլիսի վերջին միջնորդների միջոցով բանակցություններ վարել Ռուսաստանի հետ։
Լուսանկարը` Reuters-ի