Տղամարդը 300 հազար դոլար է շահել տարօրինակ զգացողության շնորհիվ
ԱՄՆ-ում Հարավային Կարոլինայի բնակիչը վիճակախաղով 300 հազար դոլար է շահել խանութ գնալուց հետո տարօրինակ զգացողության շնորհիվ։ Այս մասին հայտնում է UPI-ն։
Տղամարդը, ով ցանկացել է անանուն մնալ, ասել է, որ մտել է Սենեկա քաղաքում Lowry Food Mart սուպերմարկետ, որտեղ էլ նկատել է Carolina Cash վիճակախաղի տոմս: Ամերիկացին կատարել է իր գնումներն ու դուրս եկել խանութից։
Սակայն խանութում տեսած տոմսը հանգիստ չէր տվել նրան։ Ի վերջո, տղամարդը վերադարձել է և գնել այն: Երբ նա ջնջել է պաշտպանիչ շերտը, պարզվել է, որ տարօրինակ զգացողության շնորհիվ հարստացել է 300 հազար դոլարով։
Ամերիկացին խոստովանել է, որ շահումով նոր տուն կգնի: