Վաղը նրանք պայմանավորվելու են, եթե չեն պայմանավորվել այսօր կամ դեռեւս երեկ

Ներկա չեմ եղել իհարկե, չգիտեմ ինչ են քննարկել, բայց ասածս ինչ է՝ հայ ժողովուրդ, դադարեք աշխարհաքաղաքական վեկտորներով միմյանց ծեծելն ու բզկտելը, մրցակցեք, քննարկեք, բանավիճեք, բերեք փաստարկներ արտաքին դաշտում այս կամ այն աշխատանքի ուղղությամբ, բայց դադարեք իրար բզկտելը, հալածելը, թշնամանալը, չբարեւելը:

Տարբերությունները դարձնենք ուժ, բայց ոչ թե իրար գլխի խփելու, այլ արտաքին ուժերի հետ մեր աշխատանքի արդյունավետության համար: Վաղը նրանք պայմանավորվելու են, եթե չեն պայմանավորվել այսօր կամ դեռեւս երեկ, իսկ մենք ոչնչացրած ենք լինելու իրար լսելու ու հասկանալու, իրար հետ մտածելու հնարավորությունները: