Սպիտակ տունը խոսել է ՆԱՏՕ-ին Ուկրաինայի անդամակցության մասին
Ուկրաինայի՝ Հյուսիսատլանտյան դաշինքին անդամակցելու համար անհրաժեշտ է մասնակից երկրների քաղաքական կամքը, որը ներկայումս բացակայում է։
Այս մասին հայտարարել է ԱՄՆ Ազգային անվտանգության խորհրդի եվրոպական հարցերով տնօրեն Մայքլ Քարփենթերը, հայտնում է Reuters-ը։
«Դաշինքի ողջ հրամանատարությունը պատասխանատվություն է կրում Ուկրաինային ռազմական վարժանքներում աջակցելու համար՝ որպես օգնության մաս, որը ապագայում կամուրջ կլինի ՆԱՏՕ-ին երկրի անդամակցության համար, երբ մասնակից երկրները դրա համար քաղաքական կամք ունենան»,- ասել է նա։
Ավելի վաղ Քարփենթերը հայտարարել էր, որ ՆԱՏՕ-ն նոր հրամանատարություն կստեղծի Ուկրաինայի Զինված ուժերի պատրաստման և մատակարարման համար, որը տեղակայվելու է Գերմանիայում։