Սիփան Փաշինյանն անդրադարձել է երթեւեկության բալային համակարգին

ԱԺ իշխանական պատգամավոր Սիփան Փաշինյանն իր ֆեյսբուքյան էջում գրում է․ «Մեկ մտածեցի անդրադառնամ քաղաքական «մեծ» անցյալ ունեցող իմ գործնկերներիցս մեկի գրառմանը, կապված բալային համակարգի հետ, մեկ էլ հասկացա, որ անիմաստ է:
Միայն մի տեղեկություն հայտնեմ ձեզ սիրելի հայրենակիցներ, 2018 թ-ին ավտովթարներից Հայաստանում մահացել է մոտ 343 մարդ, այսինքն գրեթե ամեն օր մեկ մարդ մահացել է:
Բալային համակարգից հետո գոնե իմ ճանաչած մարդիկ սկսել են շաաատ ավելի ուշադիր և զգուշ վարել ավտոմեքենան:
Վստահ եմ, որ 2020թ-ի վերջում կունենանք դրական զգալի փոփոխություններ` մահացությունների նվազման առումով»: