Ռուսաստանն այլևս «կարմիր գծեր» չունի Ֆրանսիայի հետ կապված. Մեդվեդև

Ռուսաստանի Անվտանգության խորհրդի փոխնախագահ Դմիտրի Մեդվեդևը Ֆրանսիայի նախագահ Էմանուել Մակրոնի խոսքերից հետո, որ Փարիզն այլևս կարմիր գծեր և սահմաններ չունի Կիևին աջակցելու հարցում, հայտարարել է, որ Ռուսաստանի Դաշնությունն այլևս «կարմիր գծեր» չունի Ֆրանսիայի հետ կապված։

Ավելի վաղ Մակրոնը ընդդիմության ղեկավարների հետ հանդիպման ժամանակ ասել էր, որ Ֆրանսիայի կողմից Ուկրաինային աջակցելու հարցում «չկան սահմաններ» և «կարմիր գծեր», հաղորդում է BFMTV հեռուստաալիքը։

«Մակրոնն ասաց, որ «այլևս չկան կարմիր գծեր, այլևս չկան սահմաններ» Ուկրաինային աջակցելու հարցում… Ապա դա նշանակում է, որ Ռուսաստանը այլևս կարմիր գծեր չունի Ֆրանսիայի հետ կապված»,- գրել է Մեդվեդևը սոցցանցում։ X.

ՌԴ Անվտանգության խորհրդի ղեկավարի տեղակալը գրառումն ուղեկցել է լատիներեն In hostem omina licita արտահայտությամբ, որը նշանակում է «թշնամու հետ կապված ամեն ինչ թույլատրելի է»։