Պենտագոնն առաջին անգամ ցուցադրել է ալ-Բաղդադիի ոչնչացման տեսանյութը
Պենտագոնը հրապարակել է «Իսլամական պետություն» ահաբեկչական խմբավորման առաջնորդ Աբու Բաքրա ալ-Բաղդադիին ոչնչացնելու առաջին տեսանյութն ու լուսանկարը, հաղորդում է РИА Новости-ն:
Կադրերում երևում է այն շենքը, որում, ըստ Միացյալ Նահանգների, գտնվել է ահաբեկիչը: Երևում է նաև, թե ինչպես են շենքը երկու կողմից շրջապատում մի խումբ մարդիկ:
«Տեսանյութում մենք տեսնում ենք այն օբյեկտը, որտեղ թաքնվել է ալ-Բաղդադին: Ինչպես ես ավելի վաղ նշել եմ, այդ մեկուսացված շինությունը գտնվում է Սիրիայի հյուսիս-արևմուտքում գտնվող Իդլիբ նահանգում», – լրագրողներին ասել է ամերիկյան գեներալ Քենեթ Մաքենզին:
Ըստ նրա՝ տեսանյութում երևում է նաև, թե ինչպես են «գրոհայինները կրակ բացում օդից հարձակողական գործողություն իրականացնող ամերիկացի զինվորականների վրա»:
Մաքենզին ավելացրել է, որ ԴՆԹ-ի անալիզը բացարձակ ճշգրտությամբ հաստատել է ալ-Բաղդադիի ոչնչացման փաստը: Նա ասել է, որ ԻՊ առաջնորդը պայթեցրել է իրեն և երկու երեխաներին, այլ ոչ թե երեք, ինչպես նախկինում հայտնել էր ԱՄՆ նախագահ Դոնալդ Թրամփը: Երեխաները մինչև 12 տարեկան էին:
Պենտագոնի ներկայացուցիչը նաև հաստատել է, որ ալ-Բաղդադիի դին թաղված է ծովում:
Տեսանյութը դիտեք՝ 45.34 րոպեից: