Պայթյուն՝ Կալիֆոռնիայի ուսումնական կենտրոնում. վիրավորվել է հատուկ նշանակության ջոկատի 16 սպա
Հարավային Կալիֆոռնիայի Օրենջ շրջանի զինվորական ուսումնական կենտրոնում ականազերծման վարժանքների ժամանակ պայթյուն է տեղի ունեցել, գրում է Associated Press-ը։
Դրա հետևանքով վիրավորվել է հատուկ նշանակության ջոկատի 16 սպա, նրանցից մեկը ոտքի լուրջ վնասվածք է ստացել։ Սերժանտ Ֆրենկ Գոնսալեսը AP-ին ասել է, որ պայթյունը տեղի է ունեցել մարտի 13-ին, տեղական ժամանակով ժամը 13:00-ի սահմանում։ 13 մարդ գլխապտույտով տեղափոխվել է հիվանդանոց, երկուսը՝ վնասվածքներով։ Սպաներից մեկին ոտքի վիրահատություն կպահանջվի։
Պայթյունի պատճառն անհայտ է։ Հետաքննությունների դաշնային բյուրոն միջադեպի հետաքննություն է սկսել։