Ո՞ր կենդանիներն են միանգամից ամենաշատ ձագեր ծնում
Մեր մոլորակի վրա կենդանիների միլիոնավոր տեսակներ կան, և յուրաքանչյուրն ունի բազմացման իր ռազմավարությունը, որը զարգացել է իր յուրահատուկ կարիքներին համապատասխան: Բայց ո՞ր տեսակը կարող է միանգամից ամենաշատ ձագերը ծնել:
Ըստ Հավայան կղզիների համալսարանի ձկնաբան Քեթլին Քոուլի, բազմաթիվ պոտենցիալ գործոններ կարող են ազդել սցենարի վրա: «Սկսենք նրանից, թե որ կենդանին եք ընտրում ամենամեծ քանակությամբ սերունդ ստանալու համար, կախված է նրանից, թե ինչպես եք գնահատում սերունդի քանակը: Եթե դուք սերունդը սահմանում եք գամետների կամ չբեղմնավորված ձվաբջիջների և սպերմատոզոիդների քանակով, որոնք արտադրվել են մեկ անգամում, ապա ձկների դեպքում դա իսկապես մի կարգով ավելի բարձր է», – ասել է Քոուլը Live Science-ին:
Չբեղմնավորված ձկնկիթի ազատման համար ավելի քիչ էներգիա է պահանջվում, քան բեղմնավորումից հետո ձվադրումը, ուստի այն կենդանիները, որոնք ձվադրում կամ ջրի մեջ են բաց թողնում չբեղմնավորված ձկնկիթը և սպերմատոզոիդները, հաճախ ավելի շատ ձկնկիթ են ունենում, քան նրանք, որոնք չեն ձվադրում:
Պարզվել է, որ օվկիանոսի լուսնային ձկներն իրենց ձվարաններում միաժամանակ պահում են մինչև 300 միլիոն ձկնկիթ: Սակայն, քանի որ ձվաբջիջները բեղմնավորվում են էգի մարմնից դուրս, անհնար է իմանալ, թե դրանցից քանիսն են կենսունակ սերունդ տալիս:
Մեկ անգամում բեղմնավորված ձվաբջիջների քանակով առաջատարը սոցիալական միջատներն են։ Մրջյունների որոշ տեսակներ, ինչպիսին աֆրիկյսան մրջյուններն են, կարող են 3-4 միլիոն ձու դնել մոտ մեկ ամսվա ընթացքում. թագուհին կընտրի թե այս ձվերից քանիսը բեղմնավորի՝ կախված նրանից, թե քանի արու և էգ է ցանկանում ունենալ սերնդում:
Թռչունների մեջ որսող տեսակները, ինչպիսին է գորշ կաքավը, ամենաշատ ձու ածող տեսակներից են, յուրաքանչյուր ձվադրում պարունակում է մինչև 22 ձու: Ինչ վերաբերում է կենդանածնությանը, ապա ծովաձիուկերը կարող են միանգամից ծնել մինչև 2000 կենդանի ձագ, որոնց թխսում են և պահում իրենց պարկում գտնվող պլացենտայով:
Թունավոր իժերը չեմպիոններ են ցամաքային կենդանածին առանձնյակների մեջ: Ռեկորդ սահմանած էգը մեկ հղիությամբ ծննդաբերել է 156 լիովին զարգացած ձագ:
Ինչո՞ւ են այս կենդանիները այդքան շատ ձագեր ունենում, մինչդեռ փղերի և կետերի նման կենդանիները մեկ անգամում սովորաբար ունենում են միայն մեկ ձագ: Ծնելիության չափի վրա ազդող գործոններից մեկը կյանքի տևողությունն է: Կարճատև կյանք ունեցող կենդանիները, որոնք չեն ապրում այնքան, որ տեսնեն իրենց սերնդի աճը, սովորաբար միանգամից մի քանի ձագ են ունենում: