Նախարարը նշել է 2024 թվականին Հայաստանի տնտեսության համար հնարավոր ռիսկերը
ՀՀ Վայոց ձորի մարզում Ամուլսարի հանքավայրի շահագործման արդյունքում կստեղծվի 1000 նոր աշխատատեղ։ Այս մասին հունվարի 8-ին լրագրողների հետ հանդիպման ժամանակ ասաց Հայաստանի էկոնոմիկայի նախարար Վահան Քերոբյանը։
Նրա խոսքով՝ հանքավայրի շահագործումը կսկսի այս տարի։
Նա վստահեցրեց, որ իրականացվում են նաև այլ ծրագրեր, որոնք կբերեն նոր աշխատատեղերի ստեղծմանը։
Քերոբյանը նաև զգուշացրել է, որ արհեստական ինտելեկտը կարող է ապագայում ռիսկեր ստեղծել Հայաստանում հարյուր հազարավոր աշխատատեղերի համար։
Հայաստանի տնտեսության համար հնարավոր խնդիրների ցանկում նա ներառել է հնարավոր լոգիստիկ խնդիրները, այդ թվում՝ Կարմիր ծովով բեռնափոխադրումների հետ կապված խնդիրները, կապիտալ ծախսերի կատարման հնարավոր խնդիրները, ռիսկեր հանքարդյունաբերության ոլորտում, ՏՏ ոլորտում աշխատողների հնարավոր արտահոսք, ինչպես նաեւ արցախահայերի հնարավոր արտագաղթը Հայաստանից։