Մոսկվայում չեղարկվել են բոլոր զանգվածային մարզական ու մշակութային միջոցառումները

Մոսկվայի քաղաքապետը հայտարարել է առաջիկա օրերին նախատեսված բոլոր սպորտային, մշակութային և այլ միջոցառումները չեղարկելու մասին:

Լրագրողների տեղեկություններով՝ մի քանի զինված անձինք կրակ են բացել մերձմոսկովյան Crocus City Hall համերգասրահում։ Լրատվամիջոցները, վկայակոչելով հատուկ ծառայությունները, հայտնում են միջադեպի հետևանքով զոհվածների և վիրավորների մասին։

Ավելի վաղ Ռուսաստանի ֆուտբոլային միությունը և Ռուսաստանի Պրեմիեր լիգան ցավակցություն էին հայտնել զոհվածների ընտանիքներին։ Հիշեցնենք, որ մարտի 25-ին Մոսկվայում նախատեսված է Ռուսաստանի հավաքականի ընկերական հանդիպումը Պարագվայի հավաքականի դեմ։