Մյանմայի զինված ուժերն ավելի քան 2 հազար մարդու են ազատ արձակել խարդախությամբ զբաղվող զանգերի կենտրոնից
Մյանմայի զինված ուժերը գործողություն են իրականացրել երկրի հարավում՝ Թաիլանդի սահմանի մոտ, և մաքրել են KK Park խարդախությամբ զբաղվող զանգերի կենտրոնի տարածքը՝ ազատելով 2198 մարդու, հայտնում է Eleven Media Group (EMG) լրատվական պորտալը։
Նրա խոսքով՝ Կարեն նահանգում «Թաթմադաու» (Մյանմայի զինված ուժեր – ՏԱՍՍ) գործողության ընթացքում տեղի է ունեցել 58 բախում, այդ թվում՝ վեց խոշոր։ Բանակը հայտնաբերել է 10 դի, 16 զենք և 30 Starlink արբանյակ։
Այս տարվա սկզբին Թաիլանդը, Չինաստանը և Մյանման պայմանավորվեցին միավորել ջանքերը՝ Մյանմայի տարածքում գտնվող հանցավոր խմբավորումների խարդախ կենտրոնների դեմ պայքարելու համար, որտեղ հարկադրված աշխատում է 100-ից մինչև 120 հազար մարդ։ Թաիլանդի ԱԳՆ-ն տեղեկացրել է, որ Մյանմայից հաջողվել է ազատել և հայրենադարձության համար Թաիլանդ տեղափոխել խարդախների զոհ դարձած մոտ 10 հազար մարդու, որոնց կեսից ավելին Չինաստանի քաղաքացիներ են։