Մադոննան կրքոտ համբուրել է պարուհուն՝ Բրազիլիայում իր Celebration շրջագայության փորձի ժամանակ
Մադոննան մասշտաբային անվճար համերգով է ավարտում Բրազիլիայի Ռիո դե Ժանեյրո քաղաքում իր շրջագայությունը:
Ակնկալվում է, որ զանգվածային շոուն կգրավի մինչեւ 1,5 միլիոն երկրպագուի։ Փոփ թագուհին համերգից առաջ բեմում իր ձայնն է ստուգել, որպեսզի ամեն ինչ հարթ ընթանա:
Թեեւ այս փորձն արվում էր հնարավոր խնդիրները լուծելու համար, 65-ամյա աստղը կարծես թե շատ ավելի լուրջ էր վերաբերվել այդ շոուին, քանի որ նա ամբողջությամբ տրվել էր գործընթացին՝ կիսամերկ պարուհու հետ բավականին կրքոտ ներկայացման ժամանակ:
Մադոննան կատարել է հատվածներ իր երգերից։ Փոփի թագուհին իր կերպարին նաեւ ավելացրել է մի քանի նորաձեւ դետալներ՝ ներառյալ ցանցավոր գուլպաները, սեւ ժանյակավոր ձեռնոցները, որոնք ծածկում էին նրա ձեռքերի մեծ մասը, եւ կաշվե կոշիկները:
Փոփ աստղը սովորականի պես ինտենսիվ փորձեր է անցկացրել՝ շրջապատված պարողներով եւ երաժիշտներով՝ ամբողջ աշխարհից:
