ԾՆՎԵԼ Է ԱՐՑԱԽՅԱՆ 44-ՕՐՅԱ ԱԿԱԲԵԿՉԱԿԱՆ ՊԱՏԵՐԱԶՄՈՒՄ ԱՆՄԱՀԱՑԱԾ ԳԵՎՈՐԳ ՋԱՎԱԽՅԱՆԻ ԿՐՏՍԵՐ ԵՂԲԱՅՐԸ
Լույս աշխարհ է եկել Արցախյան 44-օրյա ահաբեկչական պատերազմում անմահացած հերոս ԳԵՎՈՐԳ ՋԱՎԱԽՅԱՆԻ /Ոսկե դպրոցի Գևի /կրտսեր եղբայրը։ Այս ուրախալի լուրը Iravunk. com – ին հայտնեց Սեդան, ով քույրն է նորածնի։
«Նրան կրկին ԳԵՎՈՐԳ անունն ենք տվել ի պատիվ իր հերոս եղբոր։ Շուրջ 4 տարի սպասել ենք նրան»։
Ջավախյանների ընտանիքում մի նոր լույս է բացվել, նորածին Գևորգը իր ծնունդով կմխիաթարի, կսփոփի ծնողներին,կստիպի ժպտալ, կշարունակի ապրեցնել նրանց։ Կրտսեր Գևորգը, մեծանալով կիմանա ու կգիտակցի, թե որքան խիզախ եղբայր է ունեցել ու կկատարի, կշարունակի այն կիսատ թողած գործերը, որոնք ցավոք չհասցրեց կատարել ավագ Գևորգը։ Շնորհավորում ենք Ջավախյանների ընտանիքին, փոքրիկին մաղթում առողջ, երջանիկ մանկություն, ամենակարևորը մեծանա խաղաղ երկրում։
Պատրաստեց ՀՈՎՀԱՆՆԵՍ ՍԱՐԳՍՅԱՆԸ
