Ինչո՞ւ չլինի վարչակարգի փոփոխություն Իրանում․ Թրամփ
ԱՄՆ-ի հարվածներից հետո Իրանում վարչակարգի փոփոխություն կարող է տեղի ունենալ, հայտարարել է ԱՄՆ նախագահ Դոնալդ Թրամփը Truth սոցիալական ցանցում։
«Քաղաքականապես կոռեկտ չէ օգտագործել «վարչակարգի փոփոխություն» տերմինը, բայց եթե իրանական ներկայիս վարչակարգն ի վիճակի չէ Իրանը կրկին մեծացնել, ինչո՞ւ չլինի վարչակարգի փոփոխություն»,- գրել է Թրամփը։
«Իրանի բոլոր միջուկային օբյեկտներին ահռելի վնաս է հասցվել, ինչպես ցույց են տալիս արբանյակային պատկերները: «Ավերում» բառը ճշգրիտ տերմինն է…. Ամենամեծ վնասը եղել է գետնի մակարդակից շատ ցածր», – նաև գրել է նախագահը։