ԵՐԿՐԻՆ ՄԱԳՆԻՍԱԿԱՆ ՓՈԹՈՐԻԿ Է ՄՈՏԵՆՈՒՄ
Ռուսաստանի գիտությունների ակադեմիայի Տիեզերական գիտահետազոտական ինստիտուտի արևային աստղագիտության լաբորատորիան և Ռուսաստանի գիտությունների ակադեմիայի Սիբիրյան մասնաճյուղի Արեգակնային-երկրային ֆիզիկայի ինստիտուտը հրապարակել են կանխատեսում, համաձայն որի Երկրի վրա երեքշաբթի՝ հունվարի 23-ին, մագնիսական փոթորիկ է սպասվում, հայտնում է «ՌԻԱ Նովոստի»-ն:
Գիտնականները կանխատեսում են, որ մինչև առավոտյան ժամը 6-ը բռնկումը կհասնի G1 մակարդակի (թույլ փոթորիկ), և այս բռնկումից առաջ և հետո մի քանի ժամ կգրանցվեն գեոմագնիսական խանգարումներ:
Նշվում է, որ առաջիկա 24 ժամվա ընթացքում մագնիսական ֆոնը կմնա նորմալ։ Մինչ այս` օդերևութաբան Տատյանա Պոզդնյակովան ասել էր, որ 2024 թվականին մագնիսական փոթորիկներ կարող են տեղի ունենալ ամիսը մի քանի անգամ, և այս բնական երևույթը կարող է ազդել մարդկանց բարեկեցության վրա։
Ռուսաստանի Գիտությունների ակադեմիայի Տիեզերական հետազոտությունների ինստիտուտի (IKI) և Արեգակնային-երկրային ֆիզիկայի ինստիտուտի (ISTP) արևային աստղագիտության լաբորատորիայի ղեկավար Սերգեյ Բոգաչովը ավելի վաղ հայտնել էր, որ ներկայիս արևային ցիկլի շրջանակներում 2024թ. Երկրի վրա ամեն ամիս տեղի կունենան մագնիսական փոթորիկներ։