Գիտնականներն օդը մաքրող և սմարթֆոնի սնուցման համար էլեկտրաէներգիա արտադրող արհեստական բույս են ստեղծել

Գիտնականներն օդը մաքրող և միաժամանակ սմարթֆոնի սնուցման համար էլեկտրաէներգիա արտադրող արհեստական բույս են ստեղծել

Նյու Յորքի Բինգհեմթոնի համալսարանի հետազոտողների խումբը արհեստական ​​տերև է ստեղծել «զվարճանքի համար»՝ կիրառելով հինգ կենսաբանական արևային մարտկոցներ և ֆոտոսինթեզ անող բակտերիաներ, այնուհետև հասկացել է, որ սարքը կարելի է օգտագործել գործնական կիրառման համար:

Հետազոտությունը վերջերս հրապարակվել է Advanced Sustainable Systems գիտական ​​հանդեսում:

Հինգ արհեստական ​​տերևներով փորձնական բույսը ի վիճակի է եղել միաժամանակ էլեկտրաէներգիա և թթվածին արտադրել և բնական բույսերից շատ ավելի արդյունավետորեն չեզոքացնել ածխաթթու գազը:

Արհեստական ​​բույսն ունի նույն պահանջմունքները, ինչ բնականը. բույսը նույնքան ջրի և սննդանյութերի կարիք ունի։ Արհեստական բույսի ապագա տարբերակները կարող են ներառել տեխնիկական սպասարկումը նվազագույնի հասցնելու համար, օրինակ՝ բակտերիաների բազմաթիվ տեսակների կիրառմամբ: