Բեն Աֆլեքին տեսել են Լոս Անջելեսում՝ հարբած և գանգի դիմակով

Ամերիկացի դերասան Բեն Աֆլեքին նկատել են Լոս Անջելեսի փողոցներից մեկում ՝ հարբած վիճակում: Այդ մասին Известия-ի փոխանցմամբ՝ հայտնում է TMZ պորտալը:

Ըստ աղբյուրի՝ դերասանը գանգի դիմակով մասնակցել է Հելոուինին նվիրված երեկույթին: Դրանից հետո Աֆլեքը հարբած դուրս է եկել երթևեկելի գոտի և հազիվ է կարողացել պահել հավասարակշռությունը, որպեսզի չընկնի գետնին: Բացի այդ, Աֆլեքին այդ գիշեր նկատել են նաև խաղատանը, որտեղ նրան հաջողվել է 1500 դոլար շահել:

2018-ին դերասանն ալկոհոլային կախվածության բուժումից մի քանի ամիս անց կրկին հայտնվել էր վերականգնողական կենտրոնում:

Բեն Աֆլեքն ալկոհոլային կախվածության դեմ պայքարում է 2001 թվականից:

Դերասան Բեն Աֆլեքը և դերասանուհի Ջենիֆեր Գարներն ամուսնալուծվել են 2015-ի հունիսին, սակայն նախկին ամուսինները պայմանավորվել են միասին մեծացնել իրենց երեք երեխաներին: Լրատվամիջոցները գրում էին, որ զույգը բաժանվել է Աֆլեքի՝ ալկոհոլի և խաղային հակումների պատճառով: