Արգենտինան Բրիտանիայից պահանջում է վերադարձնել Ֆոլքլենդյան կղզիներ
Արգենտինայի կառավարությունը կոչ է արել Բրիտանիային վերադարձնել երկրի ինքնիշխանությունը Ֆոլքլենդյան կղզիների (Մալվիններ) նկատմամբ և առաջարկել է բանակցություններ վարել այս հարցի շուրջ։
Հայտարարության մեջ ասվում է, որ «կղզիների անօրինական օկուպացիայից» 191 տարի անց Արգենտինայի կառավարությունն ու ժողովուրդը վերահաստատում են այդ տարածքի նկատմամբ իրենց օրինական և անօտարելի իրավունքները։
Ավելի վաղ Մեծ Բրիտանիայի պաշտպանության նախարարության ղեկավարը հայտնել էր, որ կղզիների սեփականության հարցը Լոնդոնը չի քննարկի։ Ներկայիս նախագահ Խավիեր Մայլին (այն ժամանակ դեռ թեկնածու) ասաց, որ Արգենտինան պետք է մտածի, թե ինչպես վերադարձնի տարածքները դիվանագիտական ճանապարհով։