Ամառվա սկիզբը վճռորոշ է լինելու Ուկրաինայի համար. Զելենսկի
Հունիսի սկզբից կորոշվի, թե ինչպես կանցնի ամառը և նույնիսկ ամբողջ 2024 թվականն Ուկրաինայի համար։
Խոսքը խաղաղության գագաթնաժողովի մասին է և ոչ միայն։ Այս մասին հայտնում են ուկրաինական լրատվամիջոցները՝ հղում անելով Ուկրաինայի նախագահ Վլադիմիր Զելենսկու երեկոյան ելույթին։
Զելենսկին ընդգծել է, որ Ուկրաինան սպառնալիքներ է տեսնում և պետք է պատրաստ լինի արձագանքելու դրանց:
Նրա խոսքով՝ խոսքը խաղաղության գագաթնաժողովի, Ուկրաինայի ու Եվրամիության հարաբերությունների, ռազմաճակատի մասին է։
Պետության ղեկավարը հավելել է, որ Ուկրաինան ամեն ինչ անում է այս ոլորտներից յուրաքանչյուրում արդյունք ապահովելու համար։