Economist-ը պարզել է ԱՄՆ-ի և Ուկրաինայի բանակցություններում առկա «տարօրինակ իրավիճակի» մասին
ԱՄՆ-ի և Ուկրաինայի ներկայացուցիչների միջև բանակցություններում «տարօրինակ իրավիճակ» է ստեղծվել։ Այս մասին գրում է The Economist-ը։
Նշվում է, որ մարտի 11-ին ամերիկյան և Ուկրաինական պատվիրակությունները բանակցությունների համար պետք է հանդիպեն Սաուդյան Արաբիայի Ջիդդա քաղաքում: Միևնույն ժամանակ, Ուկրաինայի առաջնորդ Վլադիմիր Զելենսկին պատրաստվում է երկրի մայրաքաղաք ժամանել մեկ օր առաջ՝ մարտի 10-ին:
«Տարօրինակ իրավիճակում, որը Ուկրաինան զուգադիպություն է անվանում, Զելենսկին ինքը երկուշաբթի կժամանի Սաուդյան Արաբիայի մայրաքաղաք Էր Ռիադ՝ Թագավորության հետ բանակցությունների համար», – ասվում է նյութում:
ԱՄՆ պատվիրակության կազմում լինելու են պետքարտուղար Մարկո Ռուբիոն, նախագահի ազգային անվտանգության հարցերով խորհրդական Մայք Ուոլցը և Մերձավոր Արևելքի հարցերով հատուկ ներկայացուցիչ Սթիվ Ուիթքոֆը:
Ուկրաինական կողմը գլխավորելու է Զելենսկու գրասենյակի ղեկավար Անդրեյ Երմակը։ Նրան միանալու են արտաքին գործերի նախարար Անդրեյ Սիբիգան, պաշտպանության նախարար Ռուստեմ Ումերովը և ռազմական օգնական Պավել Պալիսան: