ԱՄԷ-ն 10 միլիարդ դոլար կհատկացնի Թուրքիային
Չորեքշաբթի Արաբական Միացյալ Էմիրությունները հայտարարել է Թուրքիայում ներդրումների համար 10 միլիարդ դոլար ծավալով հիմնադրամ ստեղծելու մասին, հաղորդում է khaleejtimes.com կայքը:
Հայտարարությունն արվել է այն ժամանակ, երբ Նորին Մեծություն Շեյխ Մոհամեդ բին Զայեդ Ալ Նահյանը՝ Աբու Դաբիի թագաժառանգը և ԱՄԷ Զինված ուժերի գերագույն հրամանատարի տեղակալը, չորեքշաբթի Անկարայում բանակցություններ է վարել Թուրքիայի նախագահ Ռեջեփ Թայիփ Էրդողանի հետ՝ նոր գլուխ բացելով երկու երկրների հարաբերություններում։