Գազի գնի բարձրացումներից շատ մեծ ողբերգություն սարքել չի կարելի. Բաբկեն Թունյան
ԱԺ տնտեսական հարցերի մշտական հանձնաժողովի նախագահ Բաբկեն Թունյանը, «Առաջին լրատվական»-ի հետ զրույցում անդրադառնալով գազի գնի հնարավոր թանկացմանը, ասել է, որ կանխատեսումներ գուշակություններ անելու կարիք չկա և այս պահին որպես փաստ խոսել թանկացման կամ դրա հավանականության մասին, սխալ է:
«Գազի գնի տատանումներից, հիմնականում բարձրացումներից, իհարկե, շատ մեծ ողբերգություն սարքել չի կարելի: Մենք միշտ ունեցել ենք այդ պրոցեսը, այստեղ ամենակարևորը հետևել, որ գործընթացը լինի հիմնավորված և թափանցիկ»,-ասել է նա:
«Երբեմն ավելի լավ է թանկացմանը համաձայնել, բայց չզիջել պետական ակտիվները կամ ինքնիշխանության որոշակի էլեմենտներ»,-ասել է պատգամավորը: