Արմավիրցի Համլետ պապիկի որդու՝ Հակոբ Սարգսյանի հուղարկավորությունն այսօր տեղի է ունեցել
Այսօր տեղի է ունեցել Արմավիրցի Համլետ պապիկի որդու՝ Հակոբ Սարգսյանի թաղման և հուղարկավորության արարողությունը։
59 տարեկանում կյանքից հեռացած Հակոբ Սարգսյանի մահվան հանգամանքների վերաբերյալ վերջին օրերին տարբեր տեղեկություններ էին շրջանառվում։ «Ամբիոն Նյուզ»-ը թեմային անդրադարձել էր՝ փորձելով պարզել, թե ինչ էր տեղի ունեցել և ինչ վիճակում էր գտնվում Հակոբ Սարգսյանը։
Մասնավորապես, մեր խմբագրությունը դիմել էր համապատասխան բուժհաստատություններին՝ նրա առողջական վիճակի վերաբերյալ հստակ տեղեկություններ ստանալու նպատակով։ Ավելի վաղ «Ամբիոն Նյուզ»-ը տեղեկություն էր հավաքագրել նաև տարբեր հիվանդանոցներից, սակայն ստացված տվյալները միմյանցից տարբերվում էին։
Հակոբ Սարգսյանի մահվան փաստը հետագայում հաստատվեց․ նա մահացել է 59 տարեկան հասակում, իսկ այսօր հարազատները, ընկերներն ու մտերիմները վերջին հրաժեշտն են տվել նրան։
«Ամբիոն Նյուզ»-ը ցավակցում է Հակոբ Սարգսյանի ընտանիքին, հարազատներին ու մտերիմներին։
Թող Հակոբ Սարգսյանի հոգին հանգչի խաղաղությամբ։ Արփի Սիրադեղյան