Մանկական դեմքով թռչող ռոբոտը վախեցրել է ինտերնետը

Հետազոտողների կողմից հրապարակված տեսանյութում դիտողները հիանում են տեխնիկական առաջընթացով, բայց զանգվածաբար մեկնաբանում են մեքենայի տեսքը. «Ինչո՞ւ է այն այդքան սարսափելի թվում», – գրում է Reddit-ի օգտատերերից մեկը։ «Տպավորիչ է… բայց ի՞նչ է կատարվում այդ դեմքի հետ։ Այն ուղիղ նայում է ձեր հոգու մեջ», – ավելացնում է մեկ ուրիշը։ Եվ երրորդը ռոբոտին անվանում է «մանուկ-հրեշ»։

Որոշ մեկնաբաններ առաջարկել են անսպասելի տեսություն. «Երբ մեքենայի ապստամբությունը սկսվի, դուք չեք կարողանա անմիջապես կրակել մանկան դեմքով ռոբոտի վրա։ Իսկ նրան ավել բան պետք չէ. ձեր անվճռականության մեկ վայրկյան»։

Այնուամենայնիվ, դեռ վաղ է վախենալ ապստամբությունից. iRonCub MK3-ը չի կառավարվում արհեստական բանականությամբ, այլ ամբողջությամբ հեռակառավարվում է մարդկանց կողմից: Այն կշռում է մոտ 70 կգ և մոտ մեկ մետր բարձրություն ունի: IIT-ի արհեստական և մեխանիկական ինտելեկտի թիմը դրա վրա աշխատում է ավելի քան երկու տարի։

Անդրոիդի հիմնական նպատակը աղետների հետևանքների վերացման գործողություններին մասնակցելն է: Ներկառուցված ռեակտիվ փաթեթի շնորհիվ այն կարող է թռչել, իսկ ֆունկցիոնալ ոտքերը թույլ են տալիս շարժվել գետնի վրա վայրէջք կատարելուց հետո: Ապագայում ռոբոտը կունենա նաև լիովին ֆունկցիոնալ ձեռքեր, որոնք օգտակար կլինեն դռներ բացելու, անջատիչները միացնելու և այլ առաջադրանքներ կատարելու համար դժվար պայմաններում։

Ռոբոտն այժմ հագեցած է երկու ռեակտիվ շարժիչով՝ ձեռքերի փոխարեն, և արդեն անցել է փորձարկումներ բաց երկնքի տակ և աերոդինամիկ թունելում՝ պատմության մեջ առաջին անգամ մարդակերպերի համար։

Չնայած իր սարսափելի տեսքին, կային մարդիկ, ովքեր գնահատում էին անդրոիդի գեղեցկությունը. «Սա Աստրոբոյն է», – գրել է մի երկրպագու: Մյուսն էլ ավելացրել է. «Նա իրականում գեղեցիկ է»։