ԵՄ երկրները կավելացնեն չվերթների ուշացման ուղևորներին փոխհատուցվող ժամանակը
ԵՄ երկրները պայմանավորվել են ավելացնել չվերթների ուշացման ժամանակը, որը թույլ է տալիս ուղևորներին փոխհատուցում պահանջել, հայտնում է The Guardian-ը։
Ըստ ծրագրերի, կարճ տարածության չվերթների ուղևորները պետք է ուշանան չորս ժամ և ավելի, նախքան փոխհատուցում պահանջելու հնարավորություն ստանալը։
Հեռահար չվերթների համար ուշացումները պետք է կազմեն վեց և ավելի ժամ։ Ըստ ԵՄ գործող կանոնների, ուղևորները կարող են փոխհատուցում պահանջել, եթե նրանց չվերթն ուշանում է ավելի քան երեք ժամով։ ԵՄ երկրները նաև պայմանավորվել են ավելացնել մերձավոր չվերթների ուշացման դեպքում փոխհատուցման գումարը՝ 250 եվրոյից դարձնելով 300 եվրո, սակայն նախատեսում են կրճատել հեռահար չվերթների համար փոխհատուցումը՝ 600-ից հասցնելով 500 եվրոյի։