ԱՄՆ Սենատը երկարաձգում է կառավարության ֆինանսավորումը
ԱՄՆ Սենատը հավանություն է տվել դաշնային կառավարությանը մինչև 2025 թվականի սեպտեմբերի 30-ը ֆինանսավորելու օրինագծին, հայտնում է Reuters-ը։
Նախագիծը նախատեսում է պաշտպանական ծախսերի ավելացում 6 միլիարդ դոլարով, մինչդեռ ոչ պաշտպանական ծախսերը կրճատվում են 13 միլիարդ դոլարով: Եթե այն չընդունվեր, երկիրը կկանգներ կառավարության «փակման» առջև:
Գործակալությունը մանրամասնել է, որ մինչ այս մի քանի օր է, ինչ թեժ բանավեճեր են ընթանում խորհրդարանի վերին պալատում։ Դեմոկրատներն ի սկզբանե դեմ են եղել օրինագծին, քանի որ այն կրճատել է ծախսերը մոտ 7 միլիարդ դոլարով:
Թրամփը նախագահ դառնալուց հետո մեծ արշավ սկսեց՝ ուղղված պետական ծախսերը պարզեցնելուն: Դրա համար նա ստեղծեց Կառավարության արդյունավետության վարչությունը (DOGE), որը ղեկավարում է Իլոն Մասկը: Պետական գերատեսչություններում, այդ թվում՝ իրավապահ մարմիններում սկսվել են զանգվածային կրճատումներ։