Թբիլիսիի կենտրոնում գնդակահարել են «օրենքով գող» Մերաբ Սուխումսկու եղբորը
Թբիլիսիի կենտրոնում գտնվող Ճավճավաձեի պողոտայում տեղի ունեցած հրաձգության հետևանքով սպանվել է «օրենքով գող» Մերաբ Սուխումսկի անունով հայտնի Լևան Ջանգվելաձեի եղբայրը: Այս մասին հայտնում է Mtavari հեռուստաալիքը։
Դեպքը տեղի է ունեցել ուրբաթ ուշ երեկոյան։ Ջանգվելաձեին գնդակահարել են մեքենայից, երբ նա քայլում էր ճանապարհով։
Հայտնի է, որ կրակոցի հետևանքով վիրավորվել է նաև մեկ այլ մարդ՝ մոտակայքում գտնվող։ Նրան հոսպիտալացրել են․ վերջինիս կյանքին վտանգ չի սպառնում։
Հաղորդվում է, որ Լևան Ջանգվելաձեն մի քանի օր առաջ Թբիլիսի Է ժամանել արտերկրից և քաղաքում տեղաշարժվել է թիկնազորի ուղեկցությամբ:
Ջանգվելաձեի ընտանիքիմ մոտ մարդիկ TV Pirveli-ին հայտնել են, որ սպանությունը «ոչ մի կապ չունի քրեական հեղինակությունների վեճերի հետ»։
Նրանց խոսքով՝ հաշվեհարդարի պատճառ է դարձել բիզնեսի շուրջ վեճը։