Կրեմլը հայտարարել է՝ ԱՄՆ-ը բարեկամ երկիր չէ
ԱՄՆ-ը Ռուսաստանին բարեկամ երկիր չէ։ Այս մասին ասել է Կրեմլի խոսնակ Դմիտրի Պեսկովը, գրում է Gazeta-ն։
«Միացյալ Նահանգներն այս պահին մեզ համար բարեկամ երկիր չէ։ ԱՄՆ-ն այն երկիրն է, որի հետ մենք այժմ փորձում ենք վերակենդանացնել և վերականգնել մեր երկկողմ հարաբերությունները։
Փետրվարի 25-ին Պեսկովն ասել է, որ Ռուսաստանը պետք է երկար ճանապարհ անցնի ԱՄՆ-ի նկատմամբ վստահությունը վերականգնելու համար։
Ավելի վաղ ԱՄՆ նախագահ Դոնալդ Թրամփը հայտարարել էր, որ Ամերիկան հետաքրքրված է ռուսական հազվագյուտ հողային մետաղներով։ ՌԴ նախագահ Վլադիմիր Պուտինը պատրաստակամություն է հայտնել աշխատել Վաշինգտոնի հետ այս ոլորտում և ասել, որ Ռուսաստանն ավելի շատ նման ռեսուրսներ ունի, քան Ուկրաինան։ Պուտինը պատրաստ է նաև միլիոնավոր տոննաներով ռուսական ալյումին վաճառել ԱՄՆ-ին։