Ուկրաինան փորձել է հարձակվել Դաղստանի վրա
Փետրվարի 3-ին Ուկրաինան փորձել է հարձակվել Դաղստանի վրա։ Այդ մասին իր Telegram ալիքում հայտնել է շրջանի ղեկավար Սերգեյ Մելիքովը։
«Անօդաչու սարքեր են նկատվել Կասպիյսկում օբյեկտների վրա»,- գրել է նա։
Մելիքովի խոսքով՝ ձեռնարկվում են անհրաժեշտ միջոցառումներ նրանց վնասազերծելու համար։
Շրջանի ղեկավարը նշել է, որ հարձակման հետևանքով ոչ ոք չի տուժել և վնասներ չեն գրանցվել։ Նա հիշեցրել է, որ կարևոր է վստահել պաշտոնական տեղեկատվության աղբյուրներին և համացանցում չտարածել կադրեր իրադարձությունների վայրից։