Սելֆի անելիս տուրիստը զոհվել է
Ֆրանսիացի տուրիստը զոհվել է Թաիլանդում Նամիանգ-2 ջրվեժից ներքեւ ընկնելու հետեւանքով, երբ փորձել է սելֆի անել։ Դեպքը տեղի է ունեցել Սամուի կղզում։ Այս մասին հայտնում է РЕН ТВ-ն։ Ըստ հրապարակման, 33-ամյա տղամարդը փորձել է սելֆի անել ջրվեժի ֆոնին, սակայն կորցրել է հավասարակշռությունն ու գահավիժել։ Տուրիստի դիակը մի քանի ժամ փորձել են դուրս բերել։ Նշենք, որ այս տարվա հուլիսին նույն վայրում զոհվել էր իսպանացի տուրիստ, կրկին սելֆի անելու պատճառով։