Իրանից արձագանքել են Թրամփի դեմ մաhափnրձին առնչություն ունենալու մեղադրանքներին
Իրանի արտաքին գործերի նախարարության պաշտոնական ներկայացուցիչ Իսմայիլ Բաղային անհիմն է համարել ԱՄՆ-ի կառավարության պաշտոնյաների դեմ մահափորձ իրականացնելու փորձերին Թեհրանի ենթադրյալ մասնակցության մեղադրանքները՝ դրանք անվանելով «իսրայելական դավադրություն» Իրանի և ԱՄՆ-ի միջև հարաբերությունները բարդացնելու համար:
Այս մասին հաղորդում է Իսլամական Հանրապետության արտաքին գործերի նախարարությունը Telegram ալիքում։
Ռիա նովոստին հիշեցնում է, որ նախօրեին Associated Press-ը գրել էր՝ ՀԴԲ-ն պնդում է, որ Իսլամական հեղափոխության պահապանների կորպուսի անանուն ներկայացուցիչը իբր ծրագրել է սպանել ընտրություններում հաղթած ԱՄՆ նախագահ Դոնալդ Թրամփին։
«Իրանի արտաքին գործերի նախարարության պաշտոնական ներկայացուցիչ Իսմայիլ Բաղայը բացարձակապես անհիմն է անվանել ԱՄՆ նախկին և ներկա պաշտոնյաների դեմ մահափորձի մեջ Իրանի միջամտության մեղադրանքները և հերքել դրանք»,- նշված է Իրանի ԱԳՆ հայտարարության մեջ։