ԱՄՆ-ի ամենատարեց բնակիչը մահացել է 115 տարեկանում
«Հյուսթոնի թագուհի» անունով հայտնի Էլիզաբեթ Ֆրենսիսը մահացել է այս շաբաթ 115 տարեկանում՝ դառնալով ԱՄՆ-ի ամենատարեց մարդը և աշխարհի երրորդ ամենատարեց մարդը, հայտնում է CNN-ը։
Ֆրենսիսn այն սակավաթիվ մարդկանցից էր, որոնք դասակարգված էին որպես սուպերծեր մարդիկ, ովքեր ապրել են մինչև 110 տարի:
Ֆրենսիսի սենյակի պատերը զարդարված են հուշատախտակներով, հռչակագրերով և շրջանակված բացիկներով, որոնք պարունակում են շնորհավորական ուղերձներ նախկին նախագահ Բարաք Օբամայի, Քլինթոնների ընտանիքի և այլոց կողմից, ովքեր ամեն տարի նշում էին նրա երկարամյա կյանքը: Քաղաքական գործիչները, հասարակության անդամներն ու սիրելիները հաճախ այցելում էին Ֆրենսիսին Հյուսթոնի նրա տանը, ասում է նրա թոռնուհին և հիմնական խնամակալը՝ Էթել Հարիսոնը:
«Նրան դա դուր էր գալիս», – ասել է Հարիսոնը CNN-ին: «Նա սիրում էր մարդկանց»։
Մահից առաջ Ֆրենսիսը պատմության մեջ 21-րդ ամենատարեց ամերիկուհին էր և երբևէ ապրած 54-րդ ամենատարեց մարդը, ըստ LongeviQuest-ի՝ համաշխարհային տվյալների բազայի, որը հետևում է աշխարհի ամենատարեց մարդկանց:
Ֆրենսիսը և նրա քույրը՝ Բերթա Ջոնսոնը, պատմություն են կերտել որպես աշխարհի ամենատարեց տարիքի զույգ քույրեր ու եղբայրներ։ Ջոնսոնը հասել է 106-ի՝ մահանալով 2011 թվականին: