<<Ֆեյսբուքը>> շարունակում է պայքարել ֆեյք օգտահաշիվների դեմ
Այս տարվա ապրիլից մինչեւ սեպտեմբեր ամիսը «Ֆեյսբուքը։ հեռացրել է 3,2 միլիարդ կեղծ օգտահաշիվներ, ինչպես նաեւ միլիոնավոր գրառումներ, որոնք եղել են ինքնասպանությունների եւ երեխաների հանդեպ դաժան վերաբերմունքի մասին։ Այս մասին տեղեկանում ենք սոցկայքի ղեկավարության տարածած հայտարարության մեջ։ Անցյալ տարվա նույն ժամանակահատվածում հեռացվել էր 1,55 միլիարդ կեղծ օգտահաշիվ։ Առաջին անգամ հրապարակվել է նաեւ վիճակագրություն, թե որքան կեղծ հաշիվներ են արգելափակվել «Ինստագրամում։ Ըստ այդմ, արգելված բովանդակություն հրապարակող օգտատերերի 95 տոկոսը բացահայտվում են ու հեռացվում։ Հայտարարության մեջ նշվում է, որ ֆեյք էջերի աճը նկատվել է հատկապես մայիս ամսին։ Ընդհանուր առմամբ ֆեյսբուքյան օգտատերերի 5 տոկոսը ֆեյք էջերն են կազմում։