Թրամփի մահափորձի մեջ կասկածվող տղամարդը հայտարարել է, որ հայ է. Fox News
ԱՄՆ նախագահի թեկնածու Դոնալդ Թրամփի նախընտրական հանրահավաքի ժամանակ ձերբակալված տղամարդը, ով կասկածվում է նրա դեմ մահափորձի մեջ, հայտարարել է։ Այս մասին հաղորդում է Fox News Digital-ը։
49-ամյա Վեմ Միլլերն ասել է, որ զենք կրելու մասին, որոնցով նա միշտ ճանապարհորդում է, զեկուցել է անցակետում իշխանություններին՝ չնայած երբեք չի օգտագործել դրանք։
Զենք կրելու մեղադրանքով նրա ձերբակալությունը ենթադրությունների տեղիք է տվել հուլիսից ի վեր Թրամփի դեմ երկու մահափորձից հետո: Բայց նա արագ ազատ է արձակվել 5000 դոլար գրավի դիմաց, և մինչ այժմ դաշնային մեղադրանք չի առաջադրվել:
«Ես միշտ ճանապարհորդում եմ՝ իմ հրազենը բեռնատարի մեջ։ Ես իմ կյանքում բառացիորեն նույնիսկ ատրճանակով չեմ կրակել», – ասել է Միլլերը:
Նա հավելել է, որ ինքը 30 տարի եղել է լրատվամիջոցների անդամ և սկսել է աշխատել միջնակարգ դպրոցն ավարտելուց հետո: Նա նաև աշխատել է երաժշտական տեսահոլովակների և հեռուստատեսային շոուների վրա հայտնի արտիստների հետ և բացել է America Happens Network-ը ԶԼՄ-ներում «գրաքննության» դեմ պայքարելու համար: Հենց այս աշխատանքն անելիս՝ նա սկսել է մահվան սպառնալիքներ ստանալ և գնել է իր հրազենը:
Միլլերն ասել է, որ ինքը դեմոկրատ է, և կարծում էր, որ Բարաք Օբաման պատրաստվում է «փրկել իրենց անտեղի պատերազմներից և գրաքննությունից»:
«Ես, անշուշտ, հիմա ավելի հանրապետական եմ։ Այո, ես 100%-ով Թրամփի կողմնակիցն եմ», – ասել է Միլլերը՝ հավելելով, որ ինքը Թրամփով հիանում է 2018 թվականից ի վեր։